– వెంకటేష్ కామెడీ విశ్వరూపం.. త్రివిక్రమ్ పక్కా ప్లాన్!
– ‘నువ్వు నాకు నచ్చావు’ రేంజ్ మ్యాజిక్ రిపీట్?
– ‘ఆదర్శ కుటుంబం’పై క్రేజీ అప్డేట్!
విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్.. ఈ ఇద్దరి పేర్లు వింటేనే తెలుగు ప్రేక్షకులకు ఒక రకమైన ఉత్సాహం వస్తుంది. గతంలో వీరిద్దరి కలయికలో వచ్చిన ‘నువ్వు నాకు నచ్చావు’, ‘మల్లీశ్వరి’ వంటి సినిమాలు నేటికీ క్లాసిక్ కామెడీ ఎంటర్టైనర్లుగా నిలిచిపోయాయి. దాదాపు రెండు దశాబ్దాల సుదీర్ఘ నిరీక్షణ తర్వాత, ఇప్పుడు వీరిద్దరూ ‘ఆదర్శ కుటుంబం’ అనే సినిమా కోసం మళ్లీ కలిశారు. ఈ సినిమాపై ఇప్పటికే భారీ అంచనాలు ఉండగా, తాజాగా ఒక ఆసక్తికరమైన వార్త ఫిల్మ్ నగర్ సర్కిల్స్లో జోరుగా వినిపిస్తోంది.
ఈ క్రేజీ ప్రాజెక్ట్లో త్రివిక్రమ్ ఒక అద్భుతమైన ‘వింటేజ్’ కామెడీ సీక్వెన్స్ను ప్లాన్ చేశారట. దాదాపు 20 నిమిషాల పాటు సాగే ఈ ఎపిసోడ్ సినిమాకే హైలైట్గా నిలుస్తుందని సమాచారం. గతంలో వెంకీ తనదైన కామెడీతో ఎలాగైతే ప్రేక్షకులను కడుపుబ్బ నవ్వించేవారో, మళ్ళీ అదే మ్యాజిక్ను రీక్రియేట్ చేసేలా ఈ సీన్ను డిజైన్ చేసినట్లు తెలుస్తోంది. ఈ ప్రత్యేక సన్నివేశం కోసం త్రివిక్రమ్ తనదైన శైలిలో పదునైన డైలాగులను సిద్ధం చేసారు, థియేటర్లలో ఆడియన్స్ నవ్వులు ఆపుకోవడం కష్టమే చిత్ర యూనిట్ ఆశాభావం వ్యక్తం చేసింది.
వెంకటేష్ సినిమా అంటేనే కుటుంబ ప్రేక్షకులకు మొదటి ఛాయిస్. ముఖ్యంగా సంక్రాంతి లేదా సమ్మర్ రేసులో వెంకీ సినిమాలు ఇచ్చే కిక్కే వేరు. ‘ఆదర్శ కుటుంబం’ పేరులోనే ఒక ఫ్యామిలీ ఎమోషన్ ఏర్పడింది. త్రివిక్రమ్ తన సినిమాల్లో కేవలం కామెడీ మాత్రమే కాకుండా, లోతైన మానవీయ సంబంధాలను కూడా అద్భుతంగా ఆవిష్కరిస్తారు. ఈ మూవీలో కూడా ఒక బలమైన ఫ్యామిలీ డ్రామా ఉంటుందని, దానికి వెంకటేష్ ఎనర్జీ తోడవ్వడం సినిమాకు ప్లస్ పాయింట్ అని విశ్లేషకులు భావిస్తున్నారు.
ఈ ఆసక్తికరమైన విషయం, నారా రోహిత్ ఒక పవర్ ఫుల్ సినిమాలో మరో పోలీస్ ఆఫీసర్ పాత్రలో కనిపిస్తున్నారు. వెంకటేష్, రోహిత్ మధ్య వచ్చే గిల్లీకజ్జాలు, వారి మధ్య నడిచే సన్నివేశాలు కొత్తగా ఉంటాయని. కథలో కొంత సీరియస్ యాక్షన్ ఎలిమెంట్స్, సినిమా ఆద్యంతం వినోదానికే పెద్దపీట వేసినట్లు సమాచారం. హారిక అండ్ హాసిని క్రియేషన్స్ ప్రతిష్టాత్మకంగా ఈ చిత్రంపై ట్రేడ్ వర్గాల్లో కూడా మంచి బిజినెస్ క్రేజ్ ఉంది.
ప్రస్తుతం సోషల్ మీడియాలో ఈ ‘వింటేజ్ కామెడీ సీక్వెన్స్’ గురించి చర్చలు మొదలయ్యాయి. “వెంకీ మామ టైమింగ్, త్రివిక్రమ్ పంచ్లు పడితే బాక్సాఫీస్ షేక్ అవ్వాల్సిందే” అంటూ అభిమానులు కామెంట్స్ చేస్తున్నారు. వెంకటేష్ కెరీర్లో మళ్ళీ ఒక క్లీన్ ఫ్యామిలీ ఎంటర్టైనర్ రాబోతోందని అంతా ఈగర్గా వెయిట్ చేస్తున్నారు.
షూటింగ్ పనులు వేగంగా జరుపుకుంటున్న ఈ చిత్రం మళ్ళీ ఆ పాత రోజులను గుర్తుచేసి విక్టరీ వెంకటేష్ ఖాతాలో మరో బ్లాక్ బస్టర్ను చేరుతోందో లేదో చూడాలి. త్వరలోనే ఈ మూవీకి సంబంధించిన టీజర్ లేదా ఫస్ట్ లుక్ గ్లింప్స్ వచ్చే అవకాశం ఉంది.
