మెగాస్టార్ చిరంజీవి నటుడిగానే కాకుండా, వ్యక్తిగతంగా కూడా ఎంతో మందికి స్ఫూర్తినిస్తుంటారు. తాజాగా విలక్షణ నటుడు, రచయిత తనికెళ్ళ భరణి ఒక చిత్రంలో చిరంజీవి గురించి చేసిన వ్యాఖ్యలు ఇప్పుడు సోషల్ మీడియాలో హాట్ టాపిక్గా మారాయి. చిరంజీవి వ్యక్తిత్వం, ఆయన పని పట్ల చూపే నిబద్ధత గురించి భరణి చెప్పిన విషయాలు మెగా అభిమానులను విశేషంగా ఆకట్టుకుంటున్నాయి.
షూటింగ్ సెట్లో ఆ క్రమశిక్షణ అమోఘం!
చిరంజీవితో ఉన్న సుదీర్ఘ అనుబంధాన్ని గుర్తుచేసుకుంటూ.. ఆయన సెట్లో ప్రవర్తించే తీరును భరణి కొనియాడారు. “ఎంత ఎదిగినా ఒదిగి ఉండటం చిరంజీవి గారి గొప్ప లక్షణం. సెట్లోకి వస్తే ఆయన ఒక మెగాస్టార్ లా కాకుండా, ఒక సాధారణ నటుడిలా అందరితో కలిసిపోతారు. సీనియర్లను గౌరవించడంలోనూ, జూనియర్లను ప్రోత్సహించడంలోనూ ఆయనకు ఆయనే సాటి” అని భరణి పేర్కొన్నారు. ముఖ్యంగా ‘విశ్వంభర’ షూటింగ్ సమయంలో గమనించిన కొన్ని విశేషాలను ఆయన పంచుకున్నారు.
సహాయం చేయడంలో మేటి!
చిరంజీవి సేవా గుణం గురించి భరణి మాట్లాడుతూ.. ఎవరైనా కష్టాల్లో ఉన్నారని తెలిస్తే ఆయన అడగకముందే సూచించారని చెప్పారు. సినిమా ఇండస్ట్రీలోని కార్మికులకు లేదా కష్టాల్లో ఉన్న నటులకు ఆయన చేసే గుప్త దానాలు చాలా ఉన్నాయని, అవి ఎప్పుడూ పబ్లిసిటీ కోసం చేయరని భరణి స్పష్టం చేశారు. “ఆయన మనసు వెన్న.. అందుకే ఆయన మెగాస్టార్ అయ్యారు” అంటూ ఎమోషనల్ అయ్యారు.
చిరంజీవి డైరెక్షన్
ఒక సినిమా షూటింగ్ సమయంలో జరిగిన అనుభవాన్ని వివరిస్తూ.. దర్శకుడు బాపినీడు అనివార్య కారణాల వల్ల సెట్ నుంచి వెళ్లాల్సి వచ్చినప్పుడు, ఆ బాధ్యతను చిరంజీవి స్వయంగా తీసుకున్నారని భరణి చెప్పారు. దాదాపు మూడు రోజుల పాటు ఒక ఫైట్ సీక్వెన్స్ను చిరంజీవి స్వయంగా డైరెక్ట్ చేశారని, ఆయన టేకింగ్ చూస్తుంటే ఒక హాలీవుడ్ సినిమా తీస్తున్నట్లు అనిపించిందని భరణి ఆశ్చర్యం వ్యక్తం చేశారు. కేవలం నటుడిగానే కాకుండా కెమెరా యాంగిల్స్, టెక్నికల్ గురించి ఆయనకున్న అవగాహన చూసి షాక్ అయ్యానని చెప్పారు.
కెరీర్ తొలినాళ్లలో ‘జగదేకవీరుడు అతిలోకసుందరి’ చిత్రీకరణలో జరిగిన ఒక ఇన్సిడెంట్ను భరణి గుర్తు చేసుకున్నారు. ఒక సీన్లో చిరంజీవిని తనికెళ్ల భరణి హాకీ స్టిక్తో కొట్టాల్సి ఉంటుందట. ఫైట్ మాస్టర్ డమ్మీ స్టిక్ ఇస్తారని భరణి ఊహించే, పొరపాటున ఒరిజినల్ స్టిక్ చేతికి వచ్చిందట. ఒకవేళ చిరంజీవికి గాయమైతే పెద్ద షెడ్యూల్ ఆగిపోతుందని నిర్మాత అశ్విని దత్ టెన్షన్ పడుతుంటే, చిరంజీవి మాత్రం తన అద్భుతమైన టైమింగ్తో ఆ దెబ్బ తగలకుండా నిర్వహించారని భరణి కొనియాడారు.
చిరంజీవిలోని సమయస్ఫూర్తి, టైమింగ్ సెన్సార్ను ఎవరూ మ్యాచ్ చేయలేరని భరణి అభిప్రాయపడ్డారు. ఆయనకు ఏ టైమింగ్లో ఎలా రియాక్ట్ అవ్వాలో, ఏ ఎమోషన్ను ఎంత పండించాలో బాగా తెలుసని ప్రశంసించారు. అందుకే ఆయన ఇండస్ట్రీలో ఇన్ని దశాబ్దాలుగా నంబర్ వన్ హీరోగా కొనసాగుతున్నారని భరణి చెప్పారు.
భరణి వ్యాఖ్యలు వైరల్ అవ్వడంతో మెగా అభిమానులు గర్వంగా ఫీల్ అవుతున్నారు. “మా అన్నయ్య బంగారం” అంటూ కామెంట్లతో సోషల్ మీడియాను నింపుతున్నారు.
C.E.O
Cell – 9866017966
