• 'ధురంధర్-2'తో సంచలనం సృష్టిస్తున్న ఆదిత్య ధర్
• ఆయన భార్య ప్రముఖ హీరోయిన్
• తెలుగులో చేసిన సినిమాలు తెలుసా?

ప్రస్తుతం ఇండియా వైడ్ గా బాలీవుడ్ డైరెక్టర్ ఆదిత్య ధర్(ఆదిత్య ధర్) పేరు మారుమోగుతోంది. 'ఉరి: ది సర్జికల్ స్ట్రైక్' సినిమాతో మంచి గుర్తింపు తెచ్చుకున్న ఆయన, ఇప్పుడు 'ధురంధర్: ది రివెంజ్'(ధురంధర్: ది రివెంజ్)తో సంచలనం సృష్టిస్తున్నారు. ఆదిత్య ధర్ మేకింగ్ స్టైల్ ఎప్పుడూ వాస్తవికతకు దగ్గరగా ఉంటుంది. అనవసరమైన హంగులు లేకుండా కథలోని ఆత్మను పట్టుకోవడంలో ఆయన సిద్ధహస్తుడు. అందుకే ఆయన సినిమాలకు మంచి క్రేజ్ ఉంటుంది. కేవలం తన దర్శకత్వ ప్రతిభతోనే కాకుండా, తన వ్యక్తిగత జీవితం, ముఖ్యంగా హీరోయిన్ యామీ గౌతమ్‌తో తనకున్న అందమైన ప్రేమ కథతో కూడా ఆయన తరచుగా చర్చల్లో ఉంటారు.

ఆదిత్య ధర్ కెరీర్ ఆరంభంలో ఎన్నో ఒడిదుడుకులను ఎదుర్కొన్నారు. అయితే 'ఉరి' సినిమా ఆయన తలరాతను మార్చేసింది. ఈ సినిమా షూటింగ్ సమయంలోనే ఆదిత్యకు, యామీ గౌతమ్‌కు మధ్య పరిచయం ఏర్పడింది. ఆ పరిచయం కాస్త స్నేహంగా మారి, చివరికి ప్రేమగా దారితీసింది. అయితే వీరిద్దరూ తమ ప్రేమ పక్కన ప్రపంచానికి తెలియనివ్వకుండా చాలా రహస్యంగా ఉంచారు. ఆడంబరాలకు వెళ్లకుండా, కేవలం కుటుంబ సభ్యుల సమక్షంలో అత్యంత సాదాసీదాగా వివాహం చేసుకుని అందరినీ ఆశ్చర్యపరిచారు.

యామీ గౌతమ్ తెలుగు ప్రేక్షకులకు సుపరిచితమే. 2011లో వచ్చిన 'నువ్విలా' సినిమాతో తెలుగుతెరకు పరిచయమైన ఆమె.. 'గౌరవం', 'యుద్ధం', 'కొరియర్ బాయ్ కళ్యాణ్' వంటి సినిమాల్లో నటించింది. ఆ తర్వాత హిందీ సినిమాలపై ఎక్కువ దృష్టి పెట్టింది. 'ఉరి' సినిమా ఆమె కెరీర్ టర్నింగ్ పాయింట్ అని చెప్పవచ్చు.

యామీ గౌతమ్ తన భర్తకు అన్ని విషయాల్లోనూ చేదోడు వాదోడుగా ఉంటుంది. వీరిద్దరూ కలిసి 'ఉరి', 'ఆర్టికల్ 370', 'ధూమ్ ధామ్' వంటి సినిమాలకు పనిచేశారు. ముఖ్యంగా 'ఆర్టికల్ 370' సినిమాలో యామీ నటనకు మంచి మార్కులు పడ్డాయి.

సోషల్ మీడియాలో కూడా ఆదిత్య, యామీల ఫోటోలు ఎప్పుడూ వైరల్ అవుతూనే ఉంటాయి. ఇటీవల ఈ దంపతులు తల్లిదండ్రులుగా ప్రమోషన్ పొందారు. షూటింగ్స్ లో ఎంత ప్రయా ఉన్నా, తన కుటుంబాన్ని చూసుకోవడం ఆదిత్య ధర్ నైజం. యామీ కూడా తన కెరీర్ ను బ్యాలెన్స్ చేస్తూనే ఆదిత్య ప్రాజెక్టులకు మద్దతుగా నిలుస్తోంది.