పవర్ స్టార్ పవన్ కళ్యాణ్ నటించిన 'ఉస్తాద్ భగత్ సింగ్'(ఉస్తాద్ భగత్ సింగ్) మూవీ ఫస్ట్ వీకెండ్ కలెక్షన్స్ షాకింగ్ గా ఉన్నాయి. ఈ సినిమా ప్రపంచవ్యాప్తంగా కేవలం రూ.80 కోట్ల గ్రాస్ మాత్రమే వసూలు చేసిందని ట్రేడ్ లెక్కలు చెబుతున్నాయి.

పవన్ కళ్యాణ్ లాంటి స్టార్ హీరో సినిమా, పైగా 'గబ్బర్ సింగ్' కాంబోలో తెరకెక్కిన చిత్రం ఇంత తక్కువ వసూళ్లు రాబట్టడం.. అభిమానులకు, ట్రేడ్ అనలిస్టులకు మింగుడుపడటం లేదు. మొదటి నాలుగు రోజుల్లో ఈ సినిమా సాధించిన కలెక్షన్స్ గురించి ఇప్పుడు ఇండస్ట్రీలో తీవ్ర చర్చ జరుగుతోంది.

మరోవైపు, నార్త్ అమెరికాలోనూ ఈ సినిమా ప్రదర్శన మరింత నిరాశపరిచింది. అక్కడ వసూళ్లు ఊహించిన దానికంటే చాలా తక్కువగా ఉన్నాయి. పవన్ కళ్యాణ్ కు ఓవర్స్ లో మంచి ఫ్యాన్ ఫాలోయింగ్ ఉంది. ఆయన సినిమాలు అక్కడ బాగా ఆడుతుంటాయి. కానీ ఈసారి మాత్రం పరిస్థితి పూర్తిగా లేదు.

'ఉస్తాద్ భగత్ సింగ్' ఆశించిన స్థాయిలో వసూళ్లు రాబట్టలేకపోవడానికి అనేక కారణాలు ఉన్నాయి. అందులో ప్రధానంగా కంటెంట్ పూర్తి స్థాయిలో మెప్పించలేకపోయింది. అలాగే 'ధురంధర్-2' ప్రభావం కూడా బాగానే పడింది.

ఫస్ట్ డే కలెక్షన్స్ కొంత వరకు పరవాలేదు కానీ, ఆ తర్వాత కలెక్షన్స్ డ్రాప్ అవుతూ వచ్చాయి. వీకెండ్ కూడా పెద్దగా పుంజుకోలేదు. ఇక కీలకమైన మండే టెస్ట్ లోనూ పాస్ కాలేదనే మాట ట్రేడ్ సర్కిల్స్ లో వినిపిస్తోంది. ఈరోజు కలెక్షన్స్ ఏ మాత్రం ప్రభావవంతంగా లేదని వార్తలొస్తున్నాయి.