ప్రముఖ టెక్ దిగ్గజం వన్‌ప్లస్ భారత మార్కెట్లోకి తన సరికొత్త ఆడియో ప్రొడక్ట్ వన్‌ప్లాస్ నార్డ్ బడ్స్ 4 ప్రో (OnePlus Nord Buds 4 Pro)ను అధికారికంగా విడుదల చేసింది. వచ్చిన నార్డ్ బడ్స్ 3 ప్రోకు కొనసాగింపుగా, అధునాతన హంగులతో వీటిని రూపొందించారు. ముఖ్యంగా బడ్జెట్ ధరలోనే ప్రీమియం ఫీచర్లను కోరుకునే యూజర్ల కోసం వీటిని అందుబాటులోకి తెచ్చారు.

ఈ కొత్త ఇయర్‌బడ్స్‌లో ప్రధానంగా చెప్పుకోవాల్సింది 55B యాక్టివ్ నాయిస్ క్యాన్సిలేషన్ (ANC) టెక్నాలజీ గురించి. ఇది చుట్టుపక్కల ఉంటే అనవసరమైన శబ్దాలను సరిగ్గా అడ్డుకుని, స్వచ్ఛమైన ఆడియో అనుభూతిని అందిస్తుంది. ఇందులోని రియల్-టైమ్ ఏఐఐ అల్గారిథమ్స్ పరిసరాల ధ్వనులను బట్టి నాయిస్ క్యాన్సిలేషన్‌ను ఆటోమెటిక్‌గా అడ్జస్ట్ చేస్తుంది.

ఆడియో క్వాలిటీ కోసం వన్‌ప్లస్ ఇందులో 12mm టైటానియం కోటెడ్ డ్రైవర్లను ఉపయోగించింది. ఇది లోతైన బేస్ (బాస్) తో పాటు క్రిస్టల్ క్లియర్ వాయిస్‌ను అందిస్తుంది. అదనంగా, ఇందులో LHDC 5.0 సపోర్ట్ ఉండటం వల్ల హై-రిజల్యూషన్ ఆడియోను ఆస్వాదించవచ్చు. గేమింగ్ ప్రియుల కోసం ప్రత్యేకంగా 3D స్పేషియల్ ఆడియో ఫీచర్‌ను కూడా పొందుపరిచారు.

బ్యాటరీ పరంగా కూడా ఈ బడ్స్ మెరుగ్గా ఉన్నాయి. ఒక్కసారి ఫుల్ ఛార్జ్ చేస్తే కేస్‌తో కలిపి ఏకంగా 54 గంటల పాటు ప్లేబ్యాక్ ఇస్తాయి. కేవలం 10 నిమిషాల ఫాస్ట్ ఛార్జింగ్‌తో దాదాపు 5 గంటల పాటు పాటలు వినవచ్చు. కాలింగ్ కోసం ఇందులో 6-మైక్ ఏఐఐ క్లియర్ కాల్ సిస్టమ్ ఉంది, ఇది గాలి వేగంగా వీస్తున్నా అవతలి వారికి మీ వాయిస్ స్పష్టంగా వినిపించేలా చేస్తుంది.

కనెక్టివిటీ కోసం సరికొత్త బ్లూటూత్ 6.0 వెర్షన్‌ను ఇందులో వాడారు. డ్యూయల్ డివైజ్ కనెక్షన్ సదుపాయం ద్వారా ఒకేసారి రెండు పరికరాలకు వీటిని అనుసంధానించవచ్చు. స్లైడ్ కంట్రోల్స్ ద్వారా వాల్యూమ్‌ను అడ్జస్ట్ చేసుకునే సదుపాయం అందుబాటులో ఉంది.

ధర విషయానికి వస్తే, వన్‌ప్లస్ నార్డ్ బడ్స్ 4 ప్రో ధరను భారత మార్కెట్లో రూ. 3,999 గా నిర్ణయించారు. అయితే లాంచ్ ఆఫర్ కింద పరిమిత కాలం పాటు ఇవి రూ. 3,799 కే లభించనున్నాయి. ఇవి రేడియంట్ గ్రే, రావెన్ బ్లాక్ రంగుల్లో అందుబాటులో ఉన్నాయి.

మార్చి 23 మధ్యాహ్నం 12 గంటల నుంచి అమెజాన్, ఫ్లిప్‌కార్ట్, వన్‌ప్లాస్ అధికారిక వెబ్‌సైట్ మరియు ఆఫ్‌లైన్ స్టోర్‌లలో వీటి విక్రయాలు ప్రారంభం కానున్నాయి. ఈ బడ్స్‌కు మార్కెట్లో మంచి స్పందన లభిస్తుందని కంపెనీ ఆశిస్తోంది.