ఐకాన్ స్టార్ అల్లు అర్జున్(అల్లు అర్జున్) తన వ్యాపార సామ్రాజ్యాన్ని మరింత విస్తరిస్తూ హైదరాబాద్లోని కోకాపేట్లో అత్యంత విలాసవంతమైన ‘అల్లు సినిమాలు’ (అల్లు సినిమాస్) మల్టీప్లెక్స్ను సిద్ధం చేశారు. ఇటీవలే తెలంగాణ ముఖ్యమంత్రి రేవంత్ రెడ్డి చేతుల మీదుగా. ఈ థియేటర్ లోపలి విజువల్స్, అక్కడ లభించే ఫుడ్ ఐటమ్స్ ధరలు ఇప్పుడు సోషల్ మీడియాలో హాట్ టాపిక్గా మారాయి.
హైదరాబాద్ సినీ ప్రియులకు కోకాపేట ఇప్పుడు కొత్త అడ్రస్గా మారబోతోంది. అల్లు అర్జున్ ప్రతిష్టాత్మకంగా నిర్మించిన ‘అల్లు సినిమాస్’ మల్టీప్లెక్స్ అధునాతన సాంకేతికతతో ప్రేక్షకులను పలకరించేందుకు రెడీ అయింది. మొత్తం నాలుగు స్క్రీన్లతో సిద్ధమైన ఈ థియేటర్లో స్క్రీన్-1 స్పెషల్ అట్రాక్షన్గా నిలవనుంది. సుమారు 75 అడుగుల భారీ స్క్రీన్తో పాటు డాల్బీ అట్మాస్ సౌండ్ సిస్టమ్ ప్రేక్షకులకు సరికొత్త అనుభూతిని అందించనుంది.
ఇక థియేటర్ అంటేనే అందరికీ గుర్తొచ్చేది పాప్కార్న్, సమోసా. సాధారణంగా మల్టీప్లెక్స్లలో రేట్లు ఆకాశాన్ని తాకుతాయి. అయితే అల్లు సినిమాల్లో ధరలు చాలా ఆసక్తికరంగా ఉన్నాయి. ఇక్కడ పాప్కార్న్ ధరలు ₹250 నుండి ప్రారంభమై ₹480 వరకు ఉన్నాయి. సమోసా ₹110 కి లభిస్తుండటం విశేషం. సాండ్విచ్లు, బిర్యానీలు, పఫ్స్ కోసం విడివిడిగా సెక్షన్లు ఏర్పాటు చేశారు. వాల్ నాట్ కేక్స్ వంటి వెరైటీలు కూడా అందుబాటులో ఉన్నాయి.
థియేటర్ కెపాసిటీ విషయానికి వస్తే, స్క్రీన్-1 లో 644 మంది కూర్చునే వెసులుబాటు ఉండగా, మిగిలిన మూడు స్క్రీన్లలో ఒక్కో దానిలో దాదాపు 230 నుండి 250 మంది కూర్చోవచ్చు. మొత్తం మీద ఒకేసారి 1200 మంది సినిమా చూసేలా ప్లాన్ చేశారు. మీటింగ్స్ లేదా టీమ్ అవుటింగ్ల కోసం కూడా థియేటర్ బల్క్ బుకింగ్ చేసుకునే సౌకర్యాన్ని కలిగి ఉంది.
పార్కింగ్ సమస్య లేకుండా విశాలమైన ఓపెన్ ప్లేస్ కేటాయించడం ఈ మల్టీప్లెక్స్ మరో ప్లస్ పాయింట్. పెద్ద సాధారణంగా మల్టీప్లెక్స్లలో పార్కింగ్ దగ్గరే అరగంట సమయం వృధా అవుతుంది, కానీ ఇక్కడ ఇబ్బంది ఉండదని మేనేజ్మెంట్ ధీమా వ్యక్తం చేస్తోంది. పవన్ కళ్యాణ్ నటించిన ‘ఉస్తాద్ భగత్ సింగ్’ చిత్రంతో ఈ థియేటర్లు పూర్తి స్థాయిలో సందడి చేయబోతున్నాయి.
C.E.O
Cell – 9866017966
